Hikayat "Cinta Saboeh Jan" Oleh: Mulya Bijeh Mata
Bacut calitra masa yang silam
saboeh keunangan wate remaja
teubayang rupa dinda saboeh jan
di Kota Juang tanyoe bersama
Tinggai adinda di meunasah blang
teuma lon tuan Cot Gapu raya
meukeumat hate cinta meulabang
laju masa nyan jalin asmara
ta ikrar cinta dinda lon sayang
bineh geulumbang Kuala Raja
Leupi lam dada nyang lon rasakan
putroe kayangan leumah di mata
dua thon leubeh tanyoe meusajan
nyan keuh keunangan han ek lon lupa
leumah di mata uroe ngon malam
teubayang ruman tiep tiep kutika
Teuma 'oh dudoe laen lom macam
keucewa badan meurok lam jiwa
lon jak meurantoe padum thon silam
adoe lon sayang ka laen cara
laju meunikah ngon laen agam
si on undangan keu ulon hana
Seudeh hate nyoe hanco fikiran
meurana badan seusak lam jiwa
dara puteh gleh nyang tari ruman
jinoe dek sayang ka gob poe atra
doa bak ulon lambong keu intan
seumoga seunang hudep bahgia.
 |
Hikayat "Cinta Saboeh Jan" Oleh: Mulya Bijeh Mata
|