Pantun Galau dalam Bahasa Daerah Aceh, Sebuah Ungkapan Perasaan
Tengoh galak lon kalon si layang ka putoh
sayang beneng lon haloh putoh bak jaroe.
Umpama layang si dara ceudah,
Sayeup ka patah putoh ngon taloe,
Luka lam hate susah ta papah,
Luka bak lidah gampang ta hirou,
Beulapang hate mandum ta ihklah,
Lake bak allah bagah na pegantoe.
sibungong peukan..pucok ka layu,
cabeung ngon ukheu..mandum kapatah,
PuToH HaRaPaN..badan sang pilu,
jantong jimusu..hate bit gundah,
gaseh ngon sayang..ka tan le laku,
cinta ngon rindu..hana soe balah,
bungong pujaan..karang meujampu,
teungoh ta sibu..dirôt le gajah,
meunan tamselan..ulon boh miseu,
rata dum taeu..lagenyan kisah,
janji saboh jan..beusatu padu,
saboh putik u..dua tanyoe plah,
janji cut intan..ulon teuharu,
bujuk ngon rayu..keubit that indah,
sampe lon tuan..teukhem ngon bak u,
lembut deungon su..kata ta peugah,
seunang hana ban..lon deungo rayu,
janji sep hayeu..di dalam kisah,
hate lon tuan..sang-sang meurindu,
adak jeut laju..bagah meunikah,
riyeuk meuhantam..bakat jimusu,
beurawang lalu..teuga sileumpah,
janji ucapan..cut intan meulu,
dalam si minggu..mandum meu ubah,
gaseh kabeh lham, sayang ka ragu
cinta ngon rindu..kabeh meu ubah,
janji yoh silam..yang ka tapadu,
meuputie iku..uram tan jeulah,
gura hana ban..oh akhe taeu,
sunggoh terlalu..bit keubit parah,
lon pike santan..puteh ban susu,
oh ulon teupeu..apui hu mirah,
sunggoh that keujam..cut intat meulu,
lage bak gitue..bahaya leumpah,
duroe sep tajam..bit keubit cincu,
sigoe jilalu..jitubiet darah,
oh keunong simban..saket meu 'u-'u,
ulee ngon iku..meutamah parah,
seuluroh badan..teurasa kaku,
ceukang hana su..'oh tahah babah,
lagenyan macam..cut intan meulu,
peurangui keubeu..seureuta gajah,
janji neu hantam..ka sigoe sapeu,
pucok ngon iku..meubalek kisah,
hingga lon tuwan..teurasa pilu,
janji yang lalu..ka gata ubah,
putoh harapan..'oh lon deungo su,
meuribee minggu..hate lon gundah,
uroe ngon malam..meulang-lang rindu,
pinto meu pageu..hana le teuhah,
meu macam-macam, ragam deuh laku
hate bit pilu..jantong ka susah.
'oh noe hai rakan..karang lon rireu,
singoh lom ukeu..ta sambong kisah,
meuah lon tuwan..rakan sigitu,
kadang meulalu..haba lon salah.
 |
| Pantun Galau dalam Bahasa Daerah Aceh, Sebuah Ungkapan Perasaan |
