Panton Aceh Saket Lam Hate, Sampe Lam Qalbu
Masen-masen. kuah boeh labue
Masen sigutu'masakan cina.
Saket lam hate, Sampe lam Qalbu
Cinta tan restu, saket merana..
Saket bak igoe, geutah oen lubue
Saket bak takue, geutah meuriya.
Saket lam hate, ubat bak tengku
Menyoe saket lam silewue, ubat pat tamita..
Menyoe jiplueng lumoe, tadrop bak iku
Menyoe bungeh keubue, tabie ie sira
Menyoe urueng tuha, hana setuju
Kiban hay tengku, tanyoe meu syara..
Di sinyak dara, muka jieh kahu
Cinta ngoen si abu, hana geurela.
Dimita cara, supaya geu restu
Peugah bak si abu, neu ek rot jendela..
Jum poeh dua, teuka si abu
Beudoeh si mulu, buka jendela
Ah eh oh, meusu lam kelumbu
Beudoeh yah si mulu, geujak pareksa
Oeh ban geubuka, pintoe si mulu
Teuhing si abu, meu klep klep mata
Hana geu im droe, di yah si mulu
Langsong gulungku, gurom bak muka.
 |
| Panton Aceh Saket Lam Hate, Sampe Lam Qalbu |
