Alhamdulillah, Allahurabbon.
Allah that agong, dan maha tinggi.
peuneujeut Allah, kuta ngon gampong.
Maha peungaseh, deungan peungampon.
makhluk lam jurong, lam jeut jeut seugi.
hana geupileh, gasien ngon untong.
asai meusambong, bandum pih geubri.
Seulaweut saleum, keu Rasul bek leon.
beuna neusambong, sikrak sihari.
keu al sahabat, pih beuneuhubong.
abu bakaron, beutroh keu ali.
siti fatimah, aneuk si kandong.
dan lom hai kaom, khadijah siti.
akan aminah, nyang tanyoe sanjong.
abdullah ubon, ayah di nabi.
dan keuluarga, teuma bak ujong.
jamak meusambong, sanak famili.
para ulama, tabiek tabi`on.
kabeh talambong, hana nyang luki.
seuneuleut tapeh, bak u dilee phon.
seugolom palong, geukorek isi.
saboh peuneugah, ulon neuk hayeon.
muga bak ujong, beutroh lon rawi.
mula phon haba, lon leung sigayong.
meusoe yang ranggong, han ek lon sudi.
peuneugah hadist, lon rhom keu kaom.
beujeut seunampong, asoe lam hati.
nibak si uroe, jibril neutreon.
geujak keumunjong, u rumoh nabi.
geumeuduk dua, sinan bak anjong.
yang laen rabon, Illa Rasuli.
geupeugah haba, bah apui tutong.
pakriban lageom, bandum geusudi.
laju jibril moe, muka bagoe con.
soal geuhayon, ka uleh nabi.
meunoe neutanyong, nibak awai phon.
pakriban tutong, nyan bara api ?
dalam nuraka, kiban asoe lhong.
ci cuba peuphom, bak lon sikali.
teuma di jibril, neujaweub lansong.
hai Muhammadon, deungoe lon kheun kri.
apui nyan neuteot, lheung siribee thon.
puteh bak ubon, tutong han sakri.
wareuna puteh, han bandeng lageom.
ban blet cahya leon, lam supot sunyi.
meusoe yang keunong, sigra jih tutong.
hana soe tulong, meulaen rabbi.
teuma lom dudoe, na lom seunambong.
tamah sirbee thon, geuyue teot lagi.
sampoe beuhitam, bek warna gadong.
beukeuh ji ranggong, soe keunong ungki.
apui nuraka, warna hitam leon.
badan teuh surong, keunong geutaki.
meunyan keuh siksa, keu saboh kaom.
yang bantah Rabbon, masa lam bumi.
abeh neumariet, awai ngon ujong.
malaikat con, geukliek meu i i.
tijoh ie mata, sare dum jram jrom.
meukubong kubong, ban riyeuk pasi.
teuma saidina, laju neusanjong.
neumat bak ubon, sira neusudi.
hai malaikat, pakon neuranggong ?
sinoe dikeu lon, lagee nyan dali.
seuot lom lagi, jibril hai ampon.
peu hanlon ranggong, wahe e nabi.
teuingat keudroe, pakriban untong.
singoh le Rabbon, keu ulon geubri.
beh peuteuingat, keudroe neuh tutong.
han sampoe geulhong, droe neuh lam api.
droe malaikat, peuneujeut rabbon.
han mungken geusrong, keunan geusundi.
kiban han sampoe, meukhendak Rabbon.
hansoe ek tanggong, suruhan rabbi.
iblih ngon syaitan, kiban awai phon.
syurga jannaton, cit jih penghuni.
teuma teulheuh nyan, pakiban ujong.
iblih geukurong, lam bara api.
jinoe nuraka, sit jih geutampong.
dan lom ngon kaom, yang bantah rabbi.
tanyoe peuneujeut, sit hak tarihon.
meugolom troh thon, akhe jeut bumi.
dak malaikat, na sit yang tutong.
keurna salah beong, han ditepati.
maka Muhammad, ingat peusan lon.
ummat lam duson, yue pujoe rabbi.
kiban geusuroh, pubuet meubek leon.
larangan neusrong, bek neubi ungki.
meukrue seumangat, cut da ngon ampon.
ingat keuh untong, pakiban keuh hi.
hudep lam donya, ingat keu rabbon.
bek laloe bak tong, neujak meujudi.
apui nuraka, keubit that tutong.
han soe ek tanggong, peuneujeut rabbi.
mita keuh pangkai, seugoh tagulong.
seugoh makarong, tanyoe hadapi.
tajak u bayu, beutroh u gudong.
siat taduek glong, tameujeb kupi.
irul pujangga, lateh meupanton.
meupat yang sirong, meuah beuneubri.
ulon aneuk cut, manteong meuie dong.
manteong that puntong, bak rika rawi.
maka neumaklum, pat haba meujhong.
beukeuh neupayong, bek lon neucaci.
Allah that agong, dan maha tinggi.
peuneujeut Allah, kuta ngon gampong.
Maha peungaseh, deungan peungampon.
makhluk lam jurong, lam jeut jeut seugi.
hana geupileh, gasien ngon untong.
asai meusambong, bandum pih geubri.
Seulaweut saleum, keu Rasul bek leon.
beuna neusambong, sikrak sihari.
keu al sahabat, pih beuneuhubong.
abu bakaron, beutroh keu ali.
siti fatimah, aneuk si kandong.
dan lom hai kaom, khadijah siti.
akan aminah, nyang tanyoe sanjong.
abdullah ubon, ayah di nabi.
dan keuluarga, teuma bak ujong.
jamak meusambong, sanak famili.
para ulama, tabiek tabi`on.
kabeh talambong, hana nyang luki.
seuneuleut tapeh, bak u dilee phon.
seugolom palong, geukorek isi.
saboh peuneugah, ulon neuk hayeon.
muga bak ujong, beutroh lon rawi.
mula phon haba, lon leung sigayong.
meusoe yang ranggong, han ek lon sudi.
peuneugah hadist, lon rhom keu kaom.
beujeut seunampong, asoe lam hati.
nibak si uroe, jibril neutreon.
geujak keumunjong, u rumoh nabi.
geumeuduk dua, sinan bak anjong.
yang laen rabon, Illa Rasuli.
geupeugah haba, bah apui tutong.
pakriban lageom, bandum geusudi.
laju jibril moe, muka bagoe con.
soal geuhayon, ka uleh nabi.
meunoe neutanyong, nibak awai phon.
pakriban tutong, nyan bara api ?
dalam nuraka, kiban asoe lhong.
ci cuba peuphom, bak lon sikali.
teuma di jibril, neujaweub lansong.
hai Muhammadon, deungoe lon kheun kri.
apui nyan neuteot, lheung siribee thon.
puteh bak ubon, tutong han sakri.
wareuna puteh, han bandeng lageom.
ban blet cahya leon, lam supot sunyi.
meusoe yang keunong, sigra jih tutong.
hana soe tulong, meulaen rabbi.
teuma lom dudoe, na lom seunambong.
tamah sirbee thon, geuyue teot lagi.
sampoe beuhitam, bek warna gadong.
beukeuh ji ranggong, soe keunong ungki.
apui nuraka, warna hitam leon.
badan teuh surong, keunong geutaki.
meunyan keuh siksa, keu saboh kaom.
yang bantah Rabbon, masa lam bumi.
abeh neumariet, awai ngon ujong.
malaikat con, geukliek meu i i.
tijoh ie mata, sare dum jram jrom.
meukubong kubong, ban riyeuk pasi.
teuma saidina, laju neusanjong.
neumat bak ubon, sira neusudi.
hai malaikat, pakon neuranggong ?
sinoe dikeu lon, lagee nyan dali.
seuot lom lagi, jibril hai ampon.
peu hanlon ranggong, wahe e nabi.
teuingat keudroe, pakriban untong.
singoh le Rabbon, keu ulon geubri.
beh peuteuingat, keudroe neuh tutong.
han sampoe geulhong, droe neuh lam api.
droe malaikat, peuneujeut rabbon.
han mungken geusrong, keunan geusundi.
kiban han sampoe, meukhendak Rabbon.
hansoe ek tanggong, suruhan rabbi.
iblih ngon syaitan, kiban awai phon.
syurga jannaton, cit jih penghuni.
teuma teulheuh nyan, pakiban ujong.
iblih geukurong, lam bara api.
jinoe nuraka, sit jih geutampong.
dan lom ngon kaom, yang bantah rabbi.
tanyoe peuneujeut, sit hak tarihon.
meugolom troh thon, akhe jeut bumi.
dak malaikat, na sit yang tutong.
keurna salah beong, han ditepati.
maka Muhammad, ingat peusan lon.
ummat lam duson, yue pujoe rabbi.
kiban geusuroh, pubuet meubek leon.
larangan neusrong, bek neubi ungki.
meukrue seumangat, cut da ngon ampon.
ingat keuh untong, pakiban keuh hi.
hudep lam donya, ingat keu rabbon.
bek laloe bak tong, neujak meujudi.
apui nuraka, keubit that tutong.
han soe ek tanggong, peuneujeut rabbi.
mita keuh pangkai, seugoh tagulong.
seugoh makarong, tanyoe hadapi.
tajak u bayu, beutroh u gudong.
siat taduek glong, tameujeb kupi.
irul pujangga, lateh meupanton.
meupat yang sirong, meuah beuneubri.
ulon aneuk cut, manteong meuie dong.
manteong that puntong, bak rika rawi.
maka neumaklum, pat haba meujhong.
beukeuh neupayong, bek lon neucaci.
 |
| Ca'e Aceh Sedih, Apui Nuraka Kebit That Tutong |
