Hasmahul husna maha ilahi
Kuasa rabbi cit bandum bereh
Meuseu ie laot bawot peunari
Bago han sep ie meuseu neu riteh
Seujut ngon pujoe meuwo keu rabbi.
Beu sabe bibi ucap taseubeh.
Bek roeh but karoet pubut le akhi.
Nyo murka rabbi nuraka teu preh.
Sallamu'laikoem ampoen ngon umi.
Saleum ulon bie dile lam riteh
Horeumat teungku abu ngon ukhti.
Keu juri seni saleum sep mameh
Salla'alaika hu ya adnani.
Muhammad nabi geumaseh leubeh
Cahya ban seuloh tuboeh dalam ie
Dalam barzanji meunan meuriteh.
Ureung top teupoeng lesoeng peunari
Uneun deungon wi jaroe bek teupeh.
Neu izin wareh riteh long rawi
Geulanto bibi ulon peusapeh.
Rahmad ramazan reumbang han sakri.
Lam hadih nabi cukop that saheh
Puloem hai rakan malam nyang sunyi
Nikmat allah bie meujuta leubeh.
Maka hai teungku abu ngon umi
Buleun nyang suci nyang ka neu preh preh
Buleun nyang leubeh sahe kheun nabi
Ngon lapang qalbi neu khem ban rumeh
Hana cit trep le ukee meunari
Dua grak gaki peut go ek mareh
Katroh keuh teuka abu ngon umi
Buleun nyang suci fahla nyang leubeh
Syarat ngon hukoem rabboen keundali
Geuyu oh hari tanyo theun mareh
Adak pih deuk that sarat grah keu ie
Geuyu theun Qalbi han geubi teupeh
Farzu peureule angke le akhi
Neu niet le ukhti oh teuwo sareh
Maka puasa bek ria dengki
Keu sifeut qalbi jaga bek cumeh
Tajaga tutoe teukaboe iri
Bek na lam qalbi tanyo bang saleh
Beu beutoi ampoen ban hukoem rabbi
Lage yu nabi bek ta peucumeh
Nyobit ta langgeh cut teh ngon cut ti
Puasa umi cit hana bereh
Sunggoh that rugo theun dro hai umi
Meunyo but keuji hana ta weh weh
Pisang kudangsa keupila capli
Masak boh bayi mangat ta lodeh
Bulen puasa cahya ilahi
Pahla tuhan bri keubit that leubeh
Oh no long pada syara fans seni
Long tuleh rawi manteng long tak teh
Meupat na kureung reubeung long gali
Beuneu peurati ulon neu cukeh
Akhirul qalam tuhan nyang suci
Sidro nyang tinggi wahe fans riteh
Neu maklum ulon ampoen keudangdi
Cit manteng bayi baroe jut tak teh.
Kuasa rabbi cit bandum bereh
Meuseu ie laot bawot peunari
Bago han sep ie meuseu neu riteh
Seujut ngon pujoe meuwo keu rabbi.
Beu sabe bibi ucap taseubeh.
Bek roeh but karoet pubut le akhi.
Nyo murka rabbi nuraka teu preh.
Sallamu'laikoem ampoen ngon umi.
Saleum ulon bie dile lam riteh
Horeumat teungku abu ngon ukhti.
Keu juri seni saleum sep mameh
Salla'alaika hu ya adnani.
Muhammad nabi geumaseh leubeh
Cahya ban seuloh tuboeh dalam ie
Dalam barzanji meunan meuriteh.
Ureung top teupoeng lesoeng peunari
Uneun deungon wi jaroe bek teupeh.
Neu izin wareh riteh long rawi
Geulanto bibi ulon peusapeh.
Rahmad ramazan reumbang han sakri.
Lam hadih nabi cukop that saheh
Puloem hai rakan malam nyang sunyi
Nikmat allah bie meujuta leubeh.
Maka hai teungku abu ngon umi
Buleun nyang suci nyang ka neu preh preh
Buleun nyang leubeh sahe kheun nabi
Ngon lapang qalbi neu khem ban rumeh
Hana cit trep le ukee meunari
Dua grak gaki peut go ek mareh
Katroh keuh teuka abu ngon umi
Buleun nyang suci fahla nyang leubeh
Syarat ngon hukoem rabboen keundali
Geuyu oh hari tanyo theun mareh
Adak pih deuk that sarat grah keu ie
Geuyu theun Qalbi han geubi teupeh
Farzu peureule angke le akhi
Neu niet le ukhti oh teuwo sareh
Maka puasa bek ria dengki
Keu sifeut qalbi jaga bek cumeh
Tajaga tutoe teukaboe iri
Bek na lam qalbi tanyo bang saleh
Beu beutoi ampoen ban hukoem rabbi
Lage yu nabi bek ta peucumeh
Nyobit ta langgeh cut teh ngon cut ti
Puasa umi cit hana bereh
Sunggoh that rugo theun dro hai umi
Meunyo but keuji hana ta weh weh
Pisang kudangsa keupila capli
Masak boh bayi mangat ta lodeh
Bulen puasa cahya ilahi
Pahla tuhan bri keubit that leubeh
Oh no long pada syara fans seni
Long tuleh rawi manteng long tak teh
Meupat na kureung reubeung long gali
Beuneu peurati ulon neu cukeh
Akhirul qalam tuhan nyang suci
Sidro nyang tinggi wahe fans riteh
Neu maklum ulon ampoen keudangdi
Cit manteng bayi baroe jut tak teh.
 |
| Ca'e Aceh Ureung Top Teupoeng Lesoeng Peunari |
