Panton Aceh Perasaan Rindu Keu Kanda Ka Lage Jalan

RINDU KEU KANDA

Meunye masalah tiep uroe Tuhan
Saket di badan nyang uloen rasa
Soe keuh yang salah bukon jawaban
Tapi ungkapan sama setia..

Keupeu guna ie di dalam cawan
meunye rakan tanyoe puasa..
beuna tajaga di perasaan..
meubek pasangan sideh terluka.

Perasaan rindu keu kanda ka lage jalan..
di angka lapan meuputa puta..
keupeu talayu hai adek intan..
meunye oh lheuh nyan hana taguna..

Laksana pinto kunci jih katan..
rame trok keunan meuheut jak buka..
tajaga jalo seugolom karam..
karna di dalam ie ka meubura.

SALAM KEU RAKAN

Salam alaikom kaom keurabat..
saleum loen intat keu rakan dumna..
geulantoe loen coem bak jaroe loen mat..
juoh ditempat han troek loen teuka..

Yang na di gampoeng tingoh hareuka..
atau yang mukat sideh di jawa..
mandum loen sanjoeng serta horeumat..haba beumangat loen tarek rika..

Sideh diujoeng ataupun dekat..
yang na dirambat atau lam kama..
kata loen lamboeng sasaran meupat..
gata hai sahbat yang uloen cinta..

Teuma dipantoen ka uloen intat..
beuna keuh sempat balasan tiba..
yang ka dirawoen laot ngoen darat...
dinan mukumat nibak beranda..

Timu ngoen tunoeng baroh dan barat..
geuchik ngoen rakyat hana peu beda..
toke beulangoeng ngoen muge coklat..
pancuri dan ustat saleum uloen bra..

Manyang digunoeng hantrok uloen mat..
bintang meukilat han trok ta raba..
agam ngoen inoeng rakan sahabat..
tanyoe meusapat jalen saudara..

Panton Aceh Perasaan Rindu Keu Kanda Ka Lage Jalan