Panton Aceh Tentang Politik Jampok Sejarah Jameun Masa Kurajeun

POLITIK JAMPOK

Meusoe na deungoe sejarah jameun
Masa kurajeun nabi Sulaiman
Pasti di teupu saboh peukateun
Jampok meujangeun nibak masa nyan

Meunyoe han salah haba nyoe jikheun
Sinyak lon buleun neuboh pimpinan
Cocok si agam keu raja uteun
Puduek dalam seung wahe Sulaiman

Meunan umpama politik teuleung
Ka lage jameun ta eu piasan
Saleng peu ujoe keu sidroe ureung
Laen disunyung macam cercaan

Nyopat bapak nyoe Meutuah ureung
Get that peukateun akhlak budiman
Meubek neu peu-ek bapak jeh lam seung
Manteung brat kureung geutu'oh pih tan

Nyoe hana beutoy jeh salah dikheun
Lawan ka jiglueng ngen cara sopan
Hana masalah syahra meuking-keung
Peunteng meuteumeung reubot jabatan

Politik yang gleh jinoe ka jareung
Kaleung-meukaleung nyata tapandang
Macam berita haba meucabeung
Hitam deungon pleun meuhi ka saban

Geutanyoe rakyat bek gadoh hireun
Takot teulinteung di masa depan
Walaupun ilme manteung brat kureung
Beu tapeurumeun bak pemilihan

Mangat mie aceh tapakek udeung
Pu lom nyoe keu-eung sedap that rakan
Bek tajak pateh jampok meujangeun
Keudeh dalam lueng ta-tiek beu simban.

Panton Aceh Tentang Politik Jampok Sejarah Jameun Masa Kurajeun

Politik tidak semuanya hitam, namun kebanyakan dunia politik itu gelap, hingga terkadang orang awam bertanya-tanya mana pemimpin yang benar dan mana pemimpin yang cuma menempatkan janji di atas gumpalan awan.