Salamu'alaikum, rakan sahbat.. Timu Ngon barat, uloen sapa..
Inong agam, yang d tempat.. Moga beu sehat, dan sejahtra..
Talakee do'a, bak poe hazarat.. Beu keuh seulamat, iman lam dada..
Teuma keurakn, yg meuhikayat.. Saleum horeumat, irul pujangga..
Punoh ngon makna, geu meuhikayat..
Watee geucupat, mangat tabaca..
Kateuntei raja, sin0e d tempat..
Guree hikayat, irul pujangga.. Hehe
Ulon peudoe, saboh karang.
Lam tulisan, tuleh radat.
Aduen adoe, simak beutrang.
Peulon peutrang, jinoe siat.
Haba lon mee, laku bak sang.
Keulakuan, nyan cit karab.
Keu ujong buet, seunda wayang.
Bek neutuban, roh han adab.
Pat nyang ja'et, bek guransang.
Meuah rijang, meusalah kab.
Maklum aneuk, tuleh peusan.
Manteong ceukang, keubah kitab.
Allahumma, Allah Tuhan.
Laen cit tan, meusaboh zat.
Hanya Allah, maha Rahman.
Nyang Poe alam, luwah that that.
Ngon teuleubeh, sifeut Rahman.
Han ek paban, meutanyoe mat.
Teuma hamba, ikot saban.
Suroh Tuhan, laku beuthat.
Lam buet pujoe, uroe malam.
Keu seumayang, phon ibadat.
Troh puasa, keumudian.
Laku beutrang, lam jeut saat.
Bak seudeukah, ta utoh fham.
Fakir sayang, yatim tamat.
Mutui tabri, gaseh sayang.
Talakukan, ban Muhammad.
Bak buet nyang jroh, talet rijang.
Keu balasan, tanyoe harap.
Harap syurga, keu mudian.
Sideh keukai, jeut jeut saat.
Sideh tanyoe, hudep seunang.
Tanle bak sang, lam ibadat.
Teuma tacok, buet yoh awai.
Masa abang, dunya meuhat.
Lam dunya nyoe, cocok tanam.
Tapreh pajan, panen bulat.
Goet tapula, panen pih jai.
Miseu bit tan, kakeuh ilat.
Tapi paloe, saboh faham.
Suroh Tuhan, bek hate klat.
Meutapubuet, bek chok waham.
Meuhan saban, tan ibadat.
Bek teukabo, ria datang.
Tanyoe bak sang, hayeu that that.
Laen hana, ban lon tuan.
Yang meuiman, keu pada Rabb.
Lon lah sabe, yang seumayang.
Wajeb saban, deungon sunat.
Lon yang hayeu, lam iseulam.
Laen barang, tan nyang ilat.
Lon seudeukah, ribee gupang.
Haji manyang, troh lon panjat.
Aneuk yatim, lon yang sayang.
Mutui saban, lon bri nikmat.
Miseu tungku, niet neuh meunan.
Sa lagee tan, neu ibadat.
Keurna ria, buet lagee nyan.
Allah Tuhan, beunci neuh that.
Tujoh ploh thon, neuceu teuman.
Koh amalan, lam ibadat.
Jeh teukaboe, hate guncang.
Seubab keuh nyan, gadeoh leugat.
Meutapubuet, suroh Tuhan.
Lam fikiran, beuget that that.
Beugleh hate, cocok tanam.
Nyan cit meuhan, hantroh tamat.
Hate peugleh, phon dilee hai.
Baro lheuh nyan, laen tamat.
Hate kutoe, rugoe bak sang.
Uroe malam, hantroh hadap.
Rudok lam gle, ujeun lam blang.
Ngob balohan, padang kasab.
Beumanfaat, saboh karang.
Pada rakan, timu barat.
Hanya keuh nyoe, saboh peusan.
Pat han reumbang, neu peutupat.
Bek neu caci, lon keumarang.
Ban beulajar, tuleh radat.
Inong agam, yang d tempat.. Moga beu sehat, dan sejahtra..
Talakee do'a, bak poe hazarat.. Beu keuh seulamat, iman lam dada..
Teuma keurakn, yg meuhikayat.. Saleum horeumat, irul pujangga..
Punoh ngon makna, geu meuhikayat..
Watee geucupat, mangat tabaca..
Kateuntei raja, sin0e d tempat..
Guree hikayat, irul pujangga.. Hehe
Ulon peudoe, saboh karang.
Lam tulisan, tuleh radat.
Aduen adoe, simak beutrang.
Peulon peutrang, jinoe siat.
Haba lon mee, laku bak sang.
Keulakuan, nyan cit karab.
Keu ujong buet, seunda wayang.
Bek neutuban, roh han adab.
Pat nyang ja'et, bek guransang.
Meuah rijang, meusalah kab.
Maklum aneuk, tuleh peusan.
Manteong ceukang, keubah kitab.
Allahumma, Allah Tuhan.
Laen cit tan, meusaboh zat.
Hanya Allah, maha Rahman.
Nyang Poe alam, luwah that that.
Ngon teuleubeh, sifeut Rahman.
Han ek paban, meutanyoe mat.
Teuma hamba, ikot saban.
Suroh Tuhan, laku beuthat.
Lam buet pujoe, uroe malam.
Keu seumayang, phon ibadat.
Troh puasa, keumudian.
Laku beutrang, lam jeut saat.
Bak seudeukah, ta utoh fham.
Fakir sayang, yatim tamat.
Mutui tabri, gaseh sayang.
Talakukan, ban Muhammad.
Bak buet nyang jroh, talet rijang.
Keu balasan, tanyoe harap.
Harap syurga, keu mudian.
Sideh keukai, jeut jeut saat.
Sideh tanyoe, hudep seunang.
Tanle bak sang, lam ibadat.
Teuma tacok, buet yoh awai.
Masa abang, dunya meuhat.
Lam dunya nyoe, cocok tanam.
Tapreh pajan, panen bulat.
Goet tapula, panen pih jai.
Miseu bit tan, kakeuh ilat.
Tapi paloe, saboh faham.
Suroh Tuhan, bek hate klat.
Meutapubuet, bek chok waham.
Meuhan saban, tan ibadat.
Bek teukabo, ria datang.
Tanyoe bak sang, hayeu that that.
Laen hana, ban lon tuan.
Yang meuiman, keu pada Rabb.
Lon lah sabe, yang seumayang.
Wajeb saban, deungon sunat.
Lon yang hayeu, lam iseulam.
Laen barang, tan nyang ilat.
Lon seudeukah, ribee gupang.
Haji manyang, troh lon panjat.
Aneuk yatim, lon yang sayang.
Mutui saban, lon bri nikmat.
Miseu tungku, niet neuh meunan.
Sa lagee tan, neu ibadat.
Keurna ria, buet lagee nyan.
Allah Tuhan, beunci neuh that.
Tujoh ploh thon, neuceu teuman.
Koh amalan, lam ibadat.
Jeh teukaboe, hate guncang.
Seubab keuh nyan, gadeoh leugat.
Meutapubuet, suroh Tuhan.
Lam fikiran, beuget that that.
Beugleh hate, cocok tanam.
Nyan cit meuhan, hantroh tamat.
Hate peugleh, phon dilee hai.
Baro lheuh nyan, laen tamat.
Hate kutoe, rugoe bak sang.
Uroe malam, hantroh hadap.
Rudok lam gle, ujeun lam blang.
Ngob balohan, padang kasab.
Beumanfaat, saboh karang.
Pada rakan, timu barat.
Hanya keuh nyoe, saboh peusan.
Pat han reumbang, neu peutupat.
Bek neu caci, lon keumarang.
Ban beulajar, tuleh radat.
 |
| Panton Aceh Timu Ngon Barat Uloen Sapa |
