Nyoe ureung kaya, meunakeun mangat.
Sabe lam nikmat, neupajoh hidang.
Hanpre tiep uroe, cit roh nyang leuzat.
Han meula-en wap, beuranghoe datang.
Kadang si uroe, neujak le leugat.
Keudeh neupeurab, bak warong makan.
Neuba peurumoh, aneuk saboh glab.
Neuduek pih sapat, neucep makanan.
Silingoh jih lom, ho laen teumpat.
Bak ala barat, get that geuidam.
Keunan kaneujak, laju beurangkat.
Hidang meuasap, neuyue beot rijang.
Cit kahap kaheop, abeh geusantap.
Ureung meuneukat, peugot hitongan.
Teuma neubayeu, dak yuem meuhai that.
Peng nyang teulipat, ka geujok keunan.
Meunyan keuh hudep, ureung nyang hebat.
Laen hana that, lon tuleh karang.
Keu ngon peuneujak, hana lon surat.
Han leot riwayat, glak oh gob peupham.
Sangkira teuka, hate bek batat.
Cit na teuingat, fakir iseulam.
Ureung miseukin, geupike leugat.
Mungken han sempat, bak buet lagee nyan.
Geuniet na geubri, reot geuboh zakat.
Hinan neukasat, kasep keu makan.
Peudahai nyan peu, beuna taingat.
Hana treb lambat, kabeh si umpang.
Cunto nyang ade, gob sabe tingat.
Sidroe sahabat, Rasul Pilihan.
Hanya keuh umar, meunan riwayat.
Awai keurakyat, bri minom makan.
Teulheuh ka abeh, bandum seulamat.
Baro nyan neumat, bioek makanan.
Seugoh lom habeh, timu ngon barat.
Umar han mantap, neupajoh hidang.
Teuma jameun nyoe, beh soe nyang hebat.
Buet Umar sahbat, nabi lagee nyan.
Bak sang hana le, nibak nyoe saat.
Kabeh jeut kurab, lam hate insan.
Kurab pih rayeok, kriet pih meuleukat.
Asoe lam urat, tan gaseh sayang.
Meunafsi nafsi, hudep lam laknat.
Hansoe le karat, teuneulong gob han.
Adak geutulong, napeu geuharap.
Keu baho pangkat, jiduek jabatan.
Nyan baro geubri, saboh boh langsat.
Miseu meuseukat, hanpeu tabayang.
Alah sitanglong, jantong pisang klat.
Taeu sang mangat, tapajoh masam.
Alah hai ampon, nyan hom oh neumat.
Nibak Hadharat, bandum troh neufham.
Uleh keurana, meunan sampoe hat.
Beh bek le batat, hate kreuh ceukang.
Deungon Wassalam, jaroe ta mumat.
Neuniet meutatap, muka lon tuan.
Sabe lam nikmat, neupajoh hidang.
Hanpre tiep uroe, cit roh nyang leuzat.
Han meula-en wap, beuranghoe datang.
Kadang si uroe, neujak le leugat.
Keudeh neupeurab, bak warong makan.
Neuba peurumoh, aneuk saboh glab.
Neuduek pih sapat, neucep makanan.
Silingoh jih lom, ho laen teumpat.
Bak ala barat, get that geuidam.
Keunan kaneujak, laju beurangkat.
Hidang meuasap, neuyue beot rijang.
Cit kahap kaheop, abeh geusantap.
Ureung meuneukat, peugot hitongan.
Teuma neubayeu, dak yuem meuhai that.
Peng nyang teulipat, ka geujok keunan.
Meunyan keuh hudep, ureung nyang hebat.
Laen hana that, lon tuleh karang.
Keu ngon peuneujak, hana lon surat.
Han leot riwayat, glak oh gob peupham.
Sangkira teuka, hate bek batat.
Cit na teuingat, fakir iseulam.
Ureung miseukin, geupike leugat.
Mungken han sempat, bak buet lagee nyan.
Geuniet na geubri, reot geuboh zakat.
Hinan neukasat, kasep keu makan.
Peudahai nyan peu, beuna taingat.
Hana treb lambat, kabeh si umpang.
Cunto nyang ade, gob sabe tingat.
Sidroe sahabat, Rasul Pilihan.
Hanya keuh umar, meunan riwayat.
Awai keurakyat, bri minom makan.
Teulheuh ka abeh, bandum seulamat.
Baro nyan neumat, bioek makanan.
Seugoh lom habeh, timu ngon barat.
Umar han mantap, neupajoh hidang.
Teuma jameun nyoe, beh soe nyang hebat.
Buet Umar sahbat, nabi lagee nyan.
Bak sang hana le, nibak nyoe saat.
Kabeh jeut kurab, lam hate insan.
Kurab pih rayeok, kriet pih meuleukat.
Asoe lam urat, tan gaseh sayang.
Meunafsi nafsi, hudep lam laknat.
Hansoe le karat, teuneulong gob han.
Adak geutulong, napeu geuharap.
Keu baho pangkat, jiduek jabatan.
Nyan baro geubri, saboh boh langsat.
Miseu meuseukat, hanpeu tabayang.
Alah sitanglong, jantong pisang klat.
Taeu sang mangat, tapajoh masam.
Alah hai ampon, nyan hom oh neumat.
Nibak Hadharat, bandum troh neufham.
Uleh keurana, meunan sampoe hat.
Beh bek le batat, hate kreuh ceukang.
Deungon Wassalam, jaroe ta mumat.
Neuniet meutatap, muka lon tuan.
 |
| Panton Aceh Ureung Kaya Sabe Lam Nikmat |
