Berikut Ini Adalah Contoh Syair/Hikayat dari Aceh :
HABA PEINGAT
Lale bek lale getanyo lale
Hanjan tathethe siat katuha
Puteh dengon ok jagat ngon mise
Hantom tacombe tika musalla
Mate-mate getanyo mate-mate
Awai ngon ache tatujan hana
Kadang sirajak kadang siraeh
Lamsago binteh nyawong kelua
Kepe didonya tanyo sepcarong
Oh geco nyawong hanaso bela
Tinggai hareta megedong-gedong
Nyawong diranggong dalam kerenda
Alahai tuboh ingat kenyawong
Alahai bungong ingat kemala
Oh mate tuboh bumo terimong
Oh gecko nyawong hanaso bela.
Siddiq-siddiq wahai nabi
Bankhen rabbi hanmetuka
Banyang sabda bak Muhammad
Kamonyo sahbat hatethat suka
Nabi Muhammad nejak menghadap
Ubak hadarat utahtasara
Yankeh masanyan tuhan nepulang
Akan junjungan serta ummatnya
Sembahyang limong tuhan ferdhe
Lamjeb-jeb wate beksagai lupa
Soso hantem pubut umat Muhammad
Allah nelaknat diblang padang mahsya
Ohban neterimong nibak hadharat
Nabi bak sahbat lenecalitra
Abu bakarle neseot legat
Nabi Muhammad siddiq dan bena
Yang pebenar nabi awai yang ponthat
Meyankeh sahbat yang that mulia
Abu baker siddiq nabi rasinan
Yang kuat iman lagi taqwa.
OH WATE MATE
Subhanallah walhamdulillah
Ya rasulullah nabiul ula
Nabi bersabda nibakdum sahbat
Dengo begetthat saboh cerita
Nepejet insan dumna mehat
Oh wate trohhat ajai lamdonya
Malaikat jak usyreb umugreb
Rizeki kasep sapat hanlena
Umur kahabeh dalam donyanyo
Ajal kasampo katroh bak masa
Allah perintah nibak izrail
Yangka habeh rizki yawong tahila
Bakwate getarek yawong lambadan
Malaiatdum genton anggota
70 malaikat yang genton badan
Menyokon menan jipolam hawa.
Kasikrak saho tuleng jipupo
Sakethanbago mengontapesa
Natamse kameng gepluk yohudep
Sidumnan saket yawong gehila
Yawong gesukret ngonsugot beso
Menankeh nepro oleh maulana
Ubakdum sahbat nabi nepegah
Ingat metuah bandumna gata
Sembahyang 5 bek kebah-kebah
Ibadat keallah bek sia-sia
Wate gesukret wallah billah
Apoh ngon apah memandang mata
Siploh bak ule siploh bak gaki
Siploh lom lagi genton bak dada
Siploh jaro nen siploh jaro wie
Duaploh lagi genton dua pha
Subhanallah wabihamdihi
Allahurabbi punya kuasa
Ureng yang maksid lagenyo macam
Ureng meiman laenlom pula
Ureng taqwa iman selamat
Jioh barangpat nibakdum bahya
Azeb lam qubur tuhan pejioh
Hanbe baktuboh azeb nuraka
Yawong jitebit hanathat mekarat
Berkat keramat iman lamdada
Lepahthat mudah yawong kelua
Bak akher kalam kalimah gesebut
Allah makbud jamin syiruga
Amin yaallah yarabbal alamin
Wasallimna ya allah minalmuslimin.
LAKE IZIN
Assalamualaikumwarahmatullahjaro duablah ateh jemala
tamebri salem nabi khen sunat
jaro tamumat tanda mulia
hokadiummi yang po rumohnyo
kamo mejakwo uroka jula
maksut katroh hajat kasampo
bandum dikamo melake gisa
kamo nyobandum saboh kumpulan
yasin alquran serta berzanji
mmmelake meah seribe meah
pat-pat nasalah kamo bak ummi
allahhu allah allahu rahman
khaliqul mannan tuhan yang kaya
nelake kamo selamat iman
oh wate troh jan nyawong kelua.
Baca Juga > Hikayat "Cinta Saboeh Jan" Oleh: Mulya Bijeh Mata
Baca Juga > Hikayat Aceh Wafeut Siti Fatimah Aneuk Rasulullah S.A.W
