Syair Medya Hus JAMEUN MILENIUM

JAMEUN MILENIUM

Syair Medya Hus

Hudep jameun melenium
Dumpeue manyum meuhareuga
Meunyo tanpeng dalam baluem
Wie ngon uneun rakan hana

Mitapeng oh akhe jameun
Nyan ladom payah lagauna
Nyang ladom han geupeureumeun
Haleue hareuem tan geukira

Hudep jameuen melenium
Le ureueng dum gelet donya
Bah di kota bah di uteuen
Asai nayum tem usaha

Mita sungguh broh pih meunyum
Asai meudum ujoeng beulanja
Bek le gengsi akhe jameuen
Asai na yum laju keurija

Beuta ingat sahbat mandum
Haleue hareuem beuta jaga
Bek mita peng peunoh baluem
Atra hareuem berkat hana.

Syair Medya Hus JAMEUN MILENIUM