Kumpulan Syair Aceh Lucu dan Juga Sangat Sedih

Kumpulan Syair Aceh Lucu dan Juga Sangat Sedih

Berikut Ini Kumpulan Syair Daerah Nanggroe Aceh Darussalam Lucu dan Juga Sangat Sedih.

HABA BEURAKAH

Bhah sie guda
Geu sie guda diyup bak asan
Trok dalem peuka jak kira laba
Tacok pha keue pak pak rambot
Tacok pha likot pha jeu reukha

Tacok on penyueng peugot keu pot-pot
Tacok bruek tuot keu bruek be ula
Bulee gure keu tuloe linggang
Taloe keu kang kue taloe tima.

Tacaok darah keu meu lisan
Ate hai rakan keu haluwa
Paweue teubai keu tika eh
Paweue lipeh keu mushalla

Adak na lungkee keu beu reugu
Tadeunge su meu gumpa donya
Nyoe yang na cit meu iku
Tacok laju keu ceumara

Geeu sie guda gohlom meu hase
Dijih ka mate keu pue lom guna.

HABA BAK RANGKANG PREH UJEUN PIRANG

Troh sidroe ureung geujok su eue
Cuba peugah saboh haba nyang meu puta-puta keudeh bak sot
Maka geutanyong le sidroe treuk ureung yang ka awai duek bak rangkang.

Peu batee ? Batee keh.
Peu keh ? Keh beusoe
Peu beusoe ? Beusoee Baja
Peu Baja ? Baja Bruek
Peu Bruek ? Bruek U
Peu U ? U Gadeng
Peu Gadeng ? Gadeng Cangguek
Peu Canggeuek ? Cangguek Sira
Peu Sira ? Sira Batee
Pue Batee ? Batee Keh
Lagee nyan keuh meu puta-puta.

Lageenyan geu peubeudoh haba laen

UEK KEUBEU UEK

Peu Jeut ka kliek dikah hai keubeue ?
Tanso Geubeue dilon hai Po
Peujeut h'an kageubeue dikah hai aneuk miet ?
Saket pruet dilon hai Po
Peujeut saket dikah hai pruet ?
Bu meutah dilon Po
Peujeut meutah dikah hai bu ?
Kayee basah dilon hai Po
Peujeut basah dikah kayee ?
Ujeun rhah dilon hai Po
Keu peu karhah dikah hai ujeun ?
Gangguek yue dilon hai Po
Keu peu kayue dikah hai cangguek ?
Manok batuek dilon hai Po
Keu peu betuek dikah hai manok ?
Siwah tak dilon hai Po
Keu Peu katak dikah siwah ?
Galak-galak kutak sigo

HABA GANYE

Bui asee lhee ngon ureung let,
Piet gutee lhee ngon pijet
Eumpang eutiep eumpang kuboe lhee  ngon eumpang gampong gempet

Syarifah habib lhee ngon sayed
Landah palee lhee ngon seuneupet
Saket pruet saket ulee lhee ngon ciret
Lhok sukon matang kuli lahee ngon manyak payet

Meu creut meu singkla lhee ngon mupalet
Dodoi meuseukat lhee ngon mupalet
Dodoi meuseukat lhee ngon kuweh seupet
Bawang capli lhee ngon kunyet
Teungku dolah tengku baka lhee ngon tengku mayet

PALEH

Paleh utoh geuboh seunipat
Paleh teungku beuboh kitab
Paleh ureung tuha geuboh tengkat
Paleh meuneukat boh kira mira

Paleh ineng kuat teumanyeng watee woe lakoe
Paleh agam sipat kuwah bileung asoe
Paleh rakyat jimeu upat rata sagoe
Paleh umong cot teungoh kurung asoe

Kumpulan Syair Aceh Lucu dan Juga Sangat Sedih

Paleh imum jekeut fitrah puwoe keudro
Paleh makmum dijih kiblat tan jituho
Paleh pemimpim deungo haba beurang kasoe
Tie Supoh coh boh go, cok tiek lam ie watee leupie pulang keu po

HADIH MAJA FIRUMAN DATOK

Alamatul papa u salaston
Auwalu d'akwatul lazem
Watsaniyatu qurja hantem
Salasatu nau mulllazem

Maknajih
Dakwah dakwai lakoe binoe hana tom pre
Hantom geutem bak keurija
Uroe malam gadoh geu ah hana tom pre
Tanda papa na lhee peukara

Nyan ban lhee nyan tanda papa geukheun le guree
Beuna tathee bandum geutanyoe hai syedara