Lirik Qasidah Aceh, 10 Tanda Kiamat

Lirik Lagu Qasidah Aceh 10 Tanda Kiamat

Siploh nyang rayek tanda kiamat
Nabi Muhammad meunan meusabda
‘Oh troh hat watee kato kiamat
Neubri alamat siploh boh tanda

Tanda nyang phon-phon Nabi hareto
Rata jeb nanggro kayem that geumpa
Tanda kedua meunan cit bago
Rata jebnanggro ji ek ie raya

Tanda nyang keu lhee wahe dum kawom
Keudee dum tutong duson ngon kota
Rata jeb nanggro tadeungo tutong
Rata jeb gampong habeh serupa

Tanda nyang keu peut wahe dum ado
Rata jeb nanggro jiprang saudara
Kafee ngon kafee hana reda prang
Ureung Islam pih sama saja

Tanda keu limong wahe dum rakan
Rata jeb simpang keude meubanja
Kateudong keude rata jeb simpang
Meukat makanan peu-peu nyang hawa

 Tanda nyang keu nam wahe dum sahbat
Dilee gasin that jino ka kaya
Yoh masa dilee dijih hana peng
Ji keube kameng bak ureung kaya

Jino ka kaya harta le that-that
Rumoh meutingkat jiduk keureta
Tanda keu tujoh hai bungong siron
Kaya baro kon jino ka papa

Habeh hareta blang dengan lampoh
Cit tinggai tuboh hudep sengsara
Tanda keu lapan nekhen le Nabi
Ureung ek haji rema lagoina

Rame that leupah ureung ek haji
Ladom peng suci ladom peng riba
Sebab jih kaya bak me’en judi
Meutamah lagi bak agen Cina

Nacit nyang kaya bak agen candu

Ladom meukat bu buleun puasa
Asai ka kaya laju u Mekkah
Bateu dengon sah hana jikira

Tanda sikureung lepag got ragam
Inong ngon agam tan le meubeda
Inong sok luweu agam panyang ok
Sapeu that anggok saban keunira

‘Oh jijak dua tanging bak jalan
Han meuri agam han meuri dara
Tanging siluweu sang aneuk agam
Tanging ok panyang sang aneuk dara

Tanda keu siploh Nabi riwayat
Rakyat meularat duson ngon banda
Rakyat ban kameeng ikat lam uro
Pemimpin nanggro bah lage singa.

Lirik Qasidah Aceh, 10 Tanda Kiamat