Lirik Qasidah Aceh, Selamat Pengantin Baru

Lirik Lagu Qasidah Aceh, Selamat Pengantin Baru

Wahe e aneuk penganten baro
Tadeungo kamo nyang tuha-tuha
Akan meupeugah nesehat bacut
Wahe e nyang cut jantong hateema

Gata hai aneuk kageubri linto
Hai dara baroe deungo beunyata
Lapan boh syarat poma boh atoe
Nyang jeut aneuk e gata bahagia

Reff
Shalli wasalim ‘Alal habibi
Hasan ngoen Husen cuco di Nabi
Cuco di Nabi aneuk Fatimah
Geuna Allah syahid prang sabi

Wanita shaleh hai Tuan putri
Pelihara diri sepanjang masa
Jaga hormatan bek sampoe cacat
But-but nyang jahat bek takerija

Teuma nyang dua jaga Amanah
Peu nyang geukeubah lee linto gata
Bek na nyang gadoh bekna nyang hanco
Beuget ta atoe lam rumoh tangga

Reff
Shalli wassallim ‘Alal Habibi
Hasan ngoen Husen aneuk Nabi
Cuco di Nabi aneuk Fatimah
Geunaseh Allah syuruga gebri

Teuma nyang keu lhee wahe e putro
Keu ureung chik droe meubek talupa
Dua mertua beuget tahiroe
Meunan hai putroe agar bahagia

Teuma nyang keupeut ngon jiran
Sebab jiran nyan nyang to ngeun gata
Kaya ngoen gasin bek pileh-pileh
Saban taa gaseh wahe aneuk da

Reff
Shalli wassallim ‘Alal Habibi
Hasan ngoen Husen aneuk Nabi
Cuco di Nabi aneuk Fatimah
Geunaseh Allah sepanjang masa

Teuma nyang limoeng bek peughen linto
Bek taboh atoe nyang hana-hana
Tabantu linto ta peuphui beban
Geubri lee Allah syurga keu gata

Teuma nyang keu nam siphet teubuka

Bandua gata beu eek seupadan
Teuma nyang tujoh e boh hatee ma
Rahasia gata beek na teulanjang

Reff
Shalli wassallim ‘Alal Habibi
Hasan ngoen Husen aneuk Nabi
Cuco di Nabi aneuk Fatimah
Geunaseh Allah bungong syuruga

Teuma nyang lapan aneuk meutuah
Shalat jama’ah bersama-sama
Gata hai putro makmum bak linto
Meunan geu atoe dalam agama

Oh noe nasehat wahai aneuk droe
Malam ngoen uroe bek sagai lupa
Do’a bak poma ka deungoen ayah
Balasan Allah syurga keu gata

Reff
Shalli wassallim ‘Alal Habibi
Hasan ngoen Husen aneuk Nabi
Cuco di Nabi aneuk Fatimah
Geunaseh Allah bungong syuruga.

Lirik Qasidah Aceh, Selamat Pengantin Baru