Lirik Qasidah Aceh, Yatim Piatu

Lirik Lagu Qasidah Aceh, Yatim Piatu

Yatim piatu sayang bukon le
Ayah hana le sereta bunda
Oh ban takalon inseh lam hate
Hana sidro le yang so useha

Lepat that sedeh yatim piatu
Hana le ayah sereta ibu
Di tip-tip uroe ngo hate pilu
Hana le tempat bak dimengadu

Nibak siuro Nabi netebit
Sembahyang ‘id bak uro raya
Te lheh sembahyang nabi netebit
Ulen mesejid laju kelua

Dileun mesejid aneuk mid me’en
Ngon sabe rakan sama saudara
Na sidro aneuk meucre lam kawan
Baje pih tan ngon ija tuha

Ka sira jimo ngon mesak-mesak
Sikrak ijak broh baje pih hana
Oh ban geukalon le Rasulullah
Ne jak lebagah bak aneukda

Tema geutanyong le Rasullullah
Pakon that gundah hai bijeh mata
Tema dijaweb oleh aneuk nyan
Ayah lon pih tan bunda lon hana

Ayah lon mate syahid dalam prang
Sereta sajan Saidil ambiya
Oh ban gedengo le Rasulullah
Geucok le bagah neucom ne wa-wa

Meubek tamo le anek meutuah
Meubek that gundah hai bijeh mata
Nyo pat na ulon genanto ayah
Siti Aisyah genanto bunda

Saidina ‘Ali abang tejh nyang sah
Siti Fatimah sebut kakanda.

Lirik Qasidah Aceh Yatim Piatu