Panton Aceh Kenangan Sedeh Kecewa Teurasa
Ibarat rumoh ka patah tiang
rubah meusiphan tan le meuguna
menan umpama gaseh ka lekang
putoh bak jalan kecewa teurasa
pemeah dinda kanda lon sayang
ken nit dibadan peudua cinta
ken hana lon harga gaseh diabang
ureng syik lon tuan restu geuh hana
hate lon abang hana rasa tenang
cinta teupendam manteng keu kanda
sampoe anjinoe udep meulanglang
gaseh ngon sayang golom meutuka
hana lon harap cinta meulayang
harapan senang hudep bahgia
tetapi jinoe pucok meutubang
mandum impian hancoe binasa
bek kanda pike cinta peayang
lon peugah sayang keu gura2
ken hana lon arti gaseh yang meutambang
mandum teuhalang restu dipoma
doa lon kirem kepada cut bang
oh lheuh smbahyang moga bahgia
neubi ya allah jalan beutimang
ureung lon sayang aman geurasa.
 |
| Panton Aceh Keunangan Sedeh Kecewa Teurasa |
