Panton dari Bang Jakarta Keu Dek Maria & Bang Beutong di Nagan Raya

Berikut ini kumpulan Balasan Panton Aceh dari Bang Jakarta Keu Dek Maria & Bang Beutong di Nagan Raya:

Ie Krueng ciliwung, Meugah tat kuto
Rata Jeut Sagoe, Lee plok aqua
Kepu dak tari hai dek lembut ngon aso
Kata boh-boh droe nibak media...

Jinoe ulon jak hana lee lon wo
Keunan bak adoe meulaboh dua
Kudengee haba dek ee laen tat bago
Saket hate nyo seungkal lam dada..

Pucok krueng isep meugah lepi..i
Pucok krung laami meugah lee buya
Meubek kakarat hai dek puteh dii
Teutop bak gaki enteuk celaka..

Di cicem tiyong di pee tat lambong
Sampo ubeutong trok singgah mata
Bacut lon singgong keu abang beutong
Pena pip bakong bak karang haba..

Sambungan...! Balasan Panton Bang Jakarta Keu Dek Maria & Bang Beutong Nagan Raya.

Salam alaikom waalaikum salam
Saleum lon peusan keurakan dumna
Meunyoe salah bak loen keumarang
Meuah loen tuan dum wareh lingka..

Ta ade baje atoe meususon
Ade beulambong bek kutoe ija
Baroe neuteuka ee cut bang beutong
Haba ta sambong jinoe loen baca...

Laen that haba geujak kheun keuloen
Jak hadu untong sino di jawa
Leupah that gura loen deunge panton
Geu peugah keulon yang hana-hana..

Uloen di sinoe kerja lam geudong
Ken pula jagong dalam blang raya
Beuna neu tupu ee cut bang beutong
Gata dengon lon jioh that beda..

Taa nonton bola sideh bak warong
Meja meususon kupi pih kana
Bacut na peusan nyoe dari ulon
Keu cut bang beutong di nagan raya..

Wahe ee cut bang yang nan bang beutong
Kuturie diloen nibak media
Meugah sagoe nyan carang meupanton
Nyompat katroh loen jak lawan gata..

Panton dari Bang Jakarta Keu Dek Maria & Bang Beutong di Nagan Raya